Информация об игре

Гульня - лайтовая і хуткая.

• Галоўная яе мэта - прагуляцца, даведацца нешта новае пра горад і проста добра правесці час.
• Гэтая трэцяя гульня з серыі, арганізаванай Hrodna.life.

• Яна пройдзе ў раёне горада пад назваю Фолюш. Далей будуць гульні і па іншых раёнах.
• Фолюш у разуменні гэтай гульні абмежаваны вуліцай Рэпіна і вуліцай Савецкіх памежнікаў з аднаго боку, вуліцай Паповіча й былой вёскаю Ласосна з другога. 
• На момант старту гульні рэкамендуем быць у раёне кінатэатра "Кастрычнік"
• Цягам дзьвух тыдняў вам трэба наведаць 15 кропак.
• Далучыцца да гульні можна ў любы момант. 
• Для праходжання гульні спатрэбіцца звычайная зручная штодзённая або спартовая вопратка і абутак.
• Ніякі спецыяльны рыштунак не патрэбны.
• Пры праходжанні ў вечаровы або начны час можа быць карысны ліхтарык.
• Арганізатары рэкамендуюць мець з сабой сродкі індывідуальнай абароны: маскі і антысептыкі (каранавірус не здаецца, таму паклапаціцеся пра сябе).
• У апісанні ўзроўня для таго, каб лягчэй было знайсці код,  будзе напісана дзе прыкладна ён знаходзіцца. Прыклад: код на ступенях уваходу. 
• Усе коды гэтай гульні напісаныя з лічбаў ці знакаў. 
• Першая літара, што вызначае гэтую гульню - H.
• Усе коды напісаныя чорным  маркерам.
• Для аблягчэння разумення аўтарскай логікі - ніжэй прыведзены прыклад задання. 

• Заданне: У старажытныя часы ў Гародні хлопцы, што мелі мянушку “сабакі Богавы” заснавалі ў горадзе вайсковае ўмацаванне.

  Рашэнне задання: “Сабакі Богавы” (“псы Господни”) – па-іншаму дамінікане («Domini canes»). Вайсковае ўмацаванне – фарпост. На месцы былога дамініканскага кляштару ў Гародні (вул. Савецкая, 8) існавала кантора пад назваю "Фарпост".